Dövlətin təhlükəsizliyinə onlar cavabdeh olacaq

 
21-06-2019, 11:29            230 dəfə baxılıb
 
Prezident İlham Əliyevin dünən imzaladığı sərəncamlarla ölkədə növbəti kadr dəyişikliyi baş verib. Belə ki, Vilayət Eyvazov Daxili İşlər naziri, Əli Nağıyev isə DTX rəisi təyin edilib. Hər iki şəxs ictimaiyyət arasında kifayət qədər tanınır.

Eyvazov Vilayət Süleyman oğlu

1968-ci ildə Culfa rayonunun Əbrəqunus kəndində anadan olub. 1994-cü ilin noyabr ayından Daxili İşlər Orqanlarında xidmət edir. Daxili İşlər Orqanlarında fəaliyyətə polis nəfəri kimi başlayıb, cinayət-axtarış strukturlarında müxtəlif vəzifələrdə xidmət edib, DİN-in Baş Cinayət Axtarış İdarəsində şöbə rəisinin müavini, 2001-2005-ci illər ərzində Baş Mütəşəkkil Cinayətkarlıqla Mübarizə İdarəsinin rəis müavini və rəisi vəzifələrində işləyib.

2005-ci ildən Daxili İşlər nazirinin müavini, 2016-cı ildən isə nazirin birinci müavini təyin olunub. Cinayətkarlığa qarşı mübarizə işinin təşkilində, dövlətin Konstitusiya və dövlət quruluşunun müdafiəsində, əmin-amanlığın təmin edilməsində səmərəli fəaliyyətinə görə “Azərbaycan Bayrağı”, 2-ci dərəcəli "Vətənə xidmətə görə", 1-ci dərəcəli “Vətənə xidmətə görə” ordenləri və “İgidliyə görə” medalı ilə təltif olunub. 

V. Eyvazova 2006-cı ildə polis general-leytenantı ali xüsusi rütbəsi verilib.

Ailəlidir. Üç övladı var.

Nağıyev Əli Nağı oğlu 

1958-ci ildə Naxçıvan Muxtar Respublikasının Babək rayonunda anadan olub. 

2004-cü ildə Milli Təhlükəsizlik nazirinin birinci müavini təyin olunub. 2006-cı ildə isə general-mayor hərbi rütbəsi verilib.

11 aprel 2011-ci il tarixli sərəncamla Milli Təhlükəsizlik nazirinin müavini vəzifəsindən azad edilib.

Elə həmin il Baş prokuror Zakir Qaralovun müvafiq əmri ilə Əli Nağıyev Baş Prokuror yanında Korrupsiyaya Qarşı Mübarizə İdarəsinin rəis müavini vəzifəsinə təyin olunub.

Ötən il isə Əli Nağıyev 3-cü dərəcəli “Vətənə xidmətə görə” ordeni ilə təltif olunub.
шаблоны для dle 11.2





 
 


Reklam
 
Xəbər lenti

 
Təqvim
«    May 2020    »
BeÇaÇCaCŞB
 123
45678910
11121314151617
18192021222324
25262728293031